Степногорск қаласында 8 наурыз – Халықаралық әйелдер күніне орай қыз-келіншектер командалары арасында волейболдан қалалық турнир өтті. Бұл шара нәзік жандылар қауымына арналған ерекше сый болып, спорттық рух пен мерекелік көңіл-күй сыйлады.
Турнирдің ашылуында қала әкімі Гайдар Қабдоллаұлы барша спортшы аруларды көктемнің шуақты мерекесімен құттықтады. Ол әйелдердің қоғамдағы, отбасындағы және кәсіби саладағы ерекше рөлін атап өтті. Сондай-ақ барлық қатысушыларға сәттілік пен жеңіс тіледі. Жарысқа төрт команда қатысты: Степногорск қаласы әкімдігінің командасы, Білім беру бөлімінің құрама командасы, «Батыр» БЖСМ командасы, ООРММИК құрама командасы. Спортшылар жоғары дайындық деңгейін көрсетіп, әр команда өздерінің шеберліктері мен ұйымшылдығын дәлелдеді. Ойындар тартысты өтіп, жанкүйерлер қызықты әрі әсерлі сәттердің куәсі болды. Турнир қорытындысы бойынша: I орын – Әкімдік командасы
II орын – Білім беру бөлімі
III орын – «Батыр» БЖСМ
IV орын – ООРММИК құрама командасы иеленді.
Жарыстың жеңімпаздары мен жүлдегерлері медальдармен, дипломдармен марапатталып, оларға тәтті сыйлықтар мен көктемнің символы – нәзік қызғалдақтар тарту етілді. Бұл турнир әйелдердің спортқа деген қызығушылығын арттырып, салауатты өмір салтын насихаттауға өз үлесін қосты. Барлық қатысушыларды шын жүректен құттықтаймыз!
