Қазақстан – түрлі ұлт пен ұлыс өкілдері бір шаңырақ астында тату-тәтті өмір сүріп жатқан бірегей ел. Әрқайсымыздың тіліміз, дініміз, мәдениетіміз әртүрлі болғанымен, бәрімізді біріктіретін ортақ құндылық – бейбітшілік пен бірлік.
Ұлтаралық келісім – бұл ең алдымен өзара сыйластық пен түсіністікке негізделген қатынас. Егер әр адам айналасындағы адамдарға құрметпен қарап, өзгелердің дәстүрі мен мәдениетіне сыйластық танытса, қоғамымыз берік әрі тұрақты бола түседі.
Қазақстанда әртүрлі мерекелер мен мәдени шаралар бірлесіп аталып өтеді. Бұл – халықтар арасындағы достықты нығайтып, рухани жақындасуға ықпал ететін игі қадам. «Тату елге – тыныштық қонады» деген аталы сөз бекер айтылмаған.
Еліміздегі бейбіт өмір мен келісімді сақтау – тек мемлекеттің ғана емес, әрбір азаматтың борышы. Өйткені татулық пен келісім салтанат құрған жерде даму мен өркендеу болады. Ал бірлік пен береке орнаған елде – бақыт пен жарқын болашақ бар.
М.Амангелдинова,
А.Мырзахметов атындағы университеттің 2-курс студенті
