2025 жылғы 21 маусым күні Степногорск қаласының 10-шағынауданында орналасқан №19 және №21 тұрғын үйлердің пәтер иелерінің жалпы жиналысы өтті, деп хабарлайды ALTYNQALA.KZ ақпарат агенттігі.
Жиналыс аталмыш үйлердің ауласында ұйымдастырылып, оған меншік иелерімен қатар әкімдік өкілдері де қатысты. Кездесу ашық диалог форматында өтті, тұрғындар өздерін толғандырған мәселелерді тікелей жеткізіп, нақты жауаптар алды.
Басқосу барысында негізгі назар тұрғын үйлерді қалпына келтіру, олардың техникалық жағдайын жақсарту және алдағы жөндеу жұмыстарының жоспарына арналды. Тұрғындар үйлердің ағымдағы жағдайына алаңдаушылық білдіріп, бірқатар нақты ұсыныстарын айтты.
