Қала әкімінің міндетін атқарушы Фархат Байқасовтың төрағалығымен Степногорск қаласында әлеуметтік әріптестік және әлеуметтік-еңбек қатынастарын реттеу жөніндегі қалалық комиссияның кезекті отырысы өтті, деп хабарлайды ALTYNQALA.KZ ақпарат агенттігі.
Жиын барысында күн тәртібіне үш негізгі мәселе шығарылды:
1. Міндетті зейнетақы жарналары, әлеуметтік аударымдар және міндетті әлеуметтік медициналық сақтандыру бойынша берешекті өтеу жұмыстарын үйлестіру;
2. «Бестөбе» кенішінің қызметін қайта жандандыру, жаңа жұмыс орындарын ашу және жергілікті тұрғындарды жұмыспен қамту барысы;
3. Қалада жаңа жұмыс орындарын құру тетіктері.
Комиссия отырысында аталған мәселелер бойынша ұсыныстар тыңдалып, бірқатар нақты шешімдер қабылданды. Атап айтқанда, берешекті өтеу бағытында жұмыс берушілерге түсіндіру жұмыстарын күшейту, «Бестөбе» кенішінде өндірісті қалпына келтіру арқылы жаңа жұмыс орындарын ашу және жастарды жұмысқа тарту жолдары қарастырылды.
Жиын қорытындысы бойынша қала әкімінің м.а. Фархат Байқасов ұйымдар мен кәсіпорын басшыларына нақты тапсырмалар беріп, әлеуметтік-еңбек қатынастарын жетілдіру бағытындағы жұмыстардың сапалы әрі жүйелі жүргізілуін тапсырды.
