Қоршаған ортаны қорғау, заңсыз балық аулау және ағаш кесу әрекеттерінің алдын алу мақсатында, сондай-ақ Ақмола облысы Полиция департаментінің нұсқауы бойынша 2025 жылдың 1 мен 28 ақпаны аралығында Степногорск өңірінде «Браконьер» операциясы өткізіледі деп хабарлайды altynqala.kz
Бұл шараның табиғатты қорғау, субиологиялық ресурстарын сақтау және орман алқаптарын қорғау ісінде маңызы зор. Операция аясында құқық қорғау органдары қызметкерлері қорғауға алынған аумақтарды патрульдеу жұмыстарының тиімділігін арттырады және тұрғындармен экологиялық нормаларды сақтаудың маңыздылығы жөнінде профилактикалық әңгімелер жүргізеді.
Егер сіз заңсыз аң аулау, балық аулау немесе ағаш кесу фактілерінің куәсі болсаңыз, дереу Степногорск қаласы Полиция басқармасының кезекші бөліміне 102 нөмірі бойынша хабарлауыңызды сұраймыз. Сіздің сақтығыңыз табиғатты қорғауға және аймақтың экологиялық тазалығын сақтау үшін үлкен көмек болады.
Есіңізде болсын, браконьерлік және заңсыз ағаш кесу – ауыр құқық бұзушылықтар болып табылады. Ол елеулі айыппұлдарға және қылмыстық жауапкершілікке әкеп соқтыруы мүмкін. Бірлесе отырып, біз өңірімізді болашақ ұрпақтар үшін қауіпсіз және таза етейік. Браконьерлік – табиғатты қорғаудың маңызды қағидаларын бұзып, адамзаттың ортақ байлығын талан-таражға салу. Браконьерлердің әрекеттері тек экологияға ғана емес, тұтас қоғамға зиян келтіреді, себебі олар биологиялық әртүрлілікті азайтып, экологиялық апаттардың алдын алуды қиындатады. Сондықтан бұл қылмыспен күресу тек құқық қорғаушылардың міндеті емес, әр бір азаматтың жауапкершілігі.
