Қазақстан халқы елдің даму бағытына оң көзқарас танытып отыр. Маусым айында жүргізілген әлеуметтік сауалнама нәтижелері бойынша, респонденттердің 79,4%-ы еліміз дұрыс бағытта дамып келеді деп есептейді, деп хабарлайды ALTYNQALA.KZ ақпарат агенттігі ҚР Президенті жанындағы Қоғамдық саясат институтына сілтеме жасап.
🔹 Бұл – соңғы айлардағы ең тұрақты көрсеткіштердің бірі. Сарапшылардың айтуынша, қоғамда ортақ көзқарас қалыптасып, қоғамдық консенсус сақталып отыр.
Әлеуметтік-экономикалық жағдайға алаңдаушылық та біртіндеп азайып келеді. Сауалнамаға қатысқандардың 73,6%-ы қазіргі жағдайды қолайлы деп бағалаған.
Аналитиктердің пікірінше, бұл көрсеткіштер елдегі ЖІӨ-нің 6%-ға өсуімен, инфрақұрылымның дамуымен және тұрғын үй-коммуналдық шаруашылықты жаңғырту жұмыстарының нәтижесімен тікелей байланысты.
🟢 Сонымен қатар, саяси тұрақтылық та халықтың көңіл-күйіне оң әсер етіп отыр. Респонденттердің 76,2%-ы елдегі саяси ахуалды жағымды деп бағалаған.
📌 Соңғы уақыттағы басты жетістіктер қатарында:
•жаңа мектептер мен ауруханалардың іске қосылуы,
•жолдардың жөнделуі,
•бірқатар өңірлерде қоғамдық көлік желісінің кеңеюі атап өтілді.
