Қазақстандық мемлекеттік-жекеменшік әріптестік орталығы (МЖӘ) орнықты даму мен цифрландыруға қосқан үлесі үшін Белградта өткен ІХ Халықаралық МЖӘ форумында марапатталды. Бұл марапат – МЖӘ жобаларын халықаралық стандарттарға сай дамыту мен цифрлық шешімдерді енгізудегі жетістіктердің нәтижесі.
Аслан Қалиғазин
Орталық басшысы Аслан Қалиғазиннің айтуынша, Қазақстан МЖӘ тетіктерін жетілдіру арқылы саланың сапалы дамуына ықпал етіп отыр. 2006 жылдан бері елімізде 2,6 трлн теңгеге 1100-ден астам келісімшарт жасалған. Жобалар негізінен білім беру, денсаулық сақтау, энергетика және ТКШ салаларын қамтиды.
МЖӘ рәсімдерінде ашықтық пен инвестициялық тартымдылықты арттыруға басымдық берілген. Арнайы веб-портал іске қосылып, тікелей келіссөздер шектелді. Жобалар саны бойынша Түркістан, Шығыс Қазақстан және Атырау облыстары алда.
2023 жылы Үкімет 2024–2028 жылдарға арналған МЖӘ дамытудың кешенді жоспарын бекітті. Құжат 43 әлеуметтік жобаны қамтиды.
