Ақмола облысында көктемгі мерзімдік су тасқынына байланысты тұрғындардың қауіпсіздігін қамтамасыз ету және қарғын судың салдарын азайту мақсатында барлық қажетті шаралар қабылданып жатыр. Бүгінгі күні жағдай қалыпты, табиғи су көздерінің мұз жамылғысы сөгілмеген. Әйтсе де болжамдар мен ықтималды тәуекелдерді ескере отырып, өңірде су тасқынының алдын алудың қамы жасалып жатыр.
17 наурыздан бастап облыста су тасқынына қарсы тәулік бойы жұмыс істейтін штабтар мен байланыс орталықтары ашылды, олар жергілікті жерлердегі жағдай туралы ақпараттарды қабылдап, жедел әрекет ету қызметтерінің жұмысын үйлестіреді.
