Өнеркәсіптік өңірде жеке қорғаныс құралдары – респираторлардың жеке өндірісі жолға қойылуда, деп хабарлайды ALTYNQALA.KZ ақпарат агенттігі.
Ұлытау облысы әкімдігінің баспасөз қызметі хабарлағандай, бұл өңірде соңғы үш жылда іске асырылған он екінші инвестициялық жоба. Оның құны 800 миллион теңгені құрайды, 40 жаңа жұмыс орны құрылды. Жыл сайын кәсіпорын 5 миллион дана жеке қорғаныс құралдарын шығаруды жоспарлап отыр. Өңір экономикасын әртараптандыруға бағытталған жобалардың маңыздылығын облыс әкімі Дастан Рыспеков атап өтті.
Ашылу салтанатында ол сондай-ақ облыс басшылығы инвестицияларды тартуды және кәсіпкерлікті қолдауды басым міндеттер қатарында қарастыратынын атап өтті: «біз инвесторлар үшін қолайлы жағдайлар жасауға, кедергілерді қысқартуға және өңірдің экономикалық әлеуетін арттыруға бағытталған шараларды қабылдауды жалғастырамыз«.
2025 жылы өңірде жалпы сомасы 138 миллиард теңгеге 17 инвестициялық жобаны іске асыру жоспарлануда. Бұдан басқа, 2028 жылға дейін 917 миллиард теңге сомасына 22 жобадан тұратын инвестициялық пул қалыптастырылды. Бұл бастама 2 мыңнан астам жаңа жұмыс орнын құруға мүмкіндік береді.
«Қазір біз Ұлытау облысының кәсіпорны мен өндірісін қорғау құралдарымен қамтамасыз етеміз. Күзге қарай қуаттылықты арттырып, Қазақстан нарығына шығуды жоспарлап отырмыз. Сонда шығарылатын өнім көлемі де, қызметкерлер саны да артады«, — деді инвестор Қалмұрат Мәдишев.
Айта кету керек, 2024 жылы Экономиканы әртараптандыру аясында Ұлытауда жалпы сомасы 34 млрд теңгеге 9 инвестициялық жоба іске асырылды. Нәтижесінде 200-ден астам жаңа жұмыс орны ашылды. Сонымен қатар, өткен жылы негізгі капиталға 226,5 миллиард теңге инвестиция тартылды, оның 89% — ы жеке салымдар болды.
