2025 жылдың басынан бері 51 мыңнан астам адамның мүгедектікке байланысты өтінішін қашықтан, яғни заочно қарау – еліміздегі әлеуметтік саясаттың адамға бағытталғанын көрсететін нақты дәлел деп есептеймін. Бұл – жай ғана сан емес. Бұл – әр өтініштің артында отырған тағдыр, өмірін жеңілдетуге үміт артып отырған жан.
Бұрын мүгедектік тобын растау үшін анықтамалар жинап, комиссияға қайта-қайта барып, кезекте тұрып, жүйке тозатын. Енді бір ғана рет емханаға барып, тексеруден өтсек жеткілікті. Қалғанын мемлекет өзі шешеді. Бұл – менің ойымша азаматтарға үлкен көмек, уақыт пен күш жігерін басқа дүниеге арнауға мүмкіндік. Мұндай реформалар қоғамның әлсіз тобына деген қамқорлықтың шынайы көрінісі деп білемін.
Гүлнұр Садвақасова
