Ақмола облысының Степногорск қаласында ардагерлердің бас қосып, шүйіркелесіп, уақытты тиімді өткізетін орталығының бар екендігі қуантады. Мұнда әр салада қызмет атқарған, өз кезеңінде көпшілікпен аралас-құралас жүретін үлкен ұжымдарда жұмыс істеген зейнеткерлер көп. Міне, «Белсенді ұзақ өмір» орталығының негізгі құрамы осы кісілер. Ал орталықтың ашылуына себепкер болған Степногорск қалалық ардагерлер кеңесінің төрайымы Фарида Буташқызы – ғұмырының 45 жылын ұстаздық етуге арнаған қадірлі жан.
Биыл осы орталықты ашып, аз уақыт аралығында оның қаншалықты маңызды екендігін дәріптей білді. Орталықтың жұмысын жандандырып отырған ардагер ұстаз былай дейді:
«Қаламызда 12 мыңнан астам зейнеткер тұрады. Олардың көпшілігі қоғамның дамуына күш-жігері мен денсаулығын ар нағандар. Қызметтен ажыраған соң, көбі өздерінің ұмытылып, қоғамға қажетсіз сезінетіндері де шындық. «Белсенді ұзақ өмір орталығын» құру идеясы көптен бері жанашыр азаматтардың тек қиялы мен жүрегінде өмір сүріп келді. Қала әкімі мен қалалық мәслихат төрағасының қолдауының арқасында бұл арман биыл шындыққа айналды», дейді бас қосар орынның маңыздылығын нақтылап. Белсенді ардагерлердің жиналатын орнын ашудағы негізгі мақсат –қарт адамдардың жаңа зейнеткерлік өмір кезеңіне ешқандай күйзеліске ұрынбай, жаймашуақ күйде өтулері үшін, ол кісілерді қолдау үшін құрылды. Бұған дейін Степногорск қаласында жартылай стационарлық пункт жұмыс істейтін. Бірақ ол тек санаулы ардагерлерді қабылдауға ғана арналғандықтан, көпшіліктің қолы жете бермейтін.
Бұл тұрғыда орталық басшысы Фарида Буташқызы: «Белсенді ұзақ өмір» орталығы – зейнеткерлердің әлеуметтенуі, белсенділігі және сауығуы үшін мүмкіндіктерді айтарлықтай кеңейтті десем артық айтпағаным. Қазіргі уақытта орталыққа 160 адам қатысады және олардың саны үнемі өсіп жатыр. Бұл дегеніңіз, ардагерлердің белсенділігін арттырып, қоғаммен байланысын нығайтатын орталықтың маңыздылығы жоғары екендігінің көрсеткіші», дейді орталыққа жүгінетін зейнеткерлерлердің ауқымының артып жатқандығын таразылай келе. Бүгінгі күні орталықта дойбы, шахмат, тоғыз құмалақ, фитнес-сабақтар, керамика өнері, изо-арт-терапия, халық билері, ретро-билер, пилатес (емдік гимнастика), қазақ тілін үйрену курсы, психологпен «жадты жаттықтыру», «миға арналған нейрогимнастика» сияқты 10 сабақ тұрақты түрде жүргізіліп келеді. Бұлардың әрқайсысының ардагерлер үшін маңыздығы жоғары.
Сонымен қатар күміс көмей, алтын дауысты ардагерлер «Ветеран» хоры мен «Әжелер» вокалдық тобын құрып қалалық мәдени іс-шараларда өнер көрсетіп, көпшіліктің көзайымына айналып үлгерген. Күнтізбенің әр күнін белсенді өткізіп, мерекелік той-жиындардың сәнін келтіріп жүрген ардагерлердің әрқайсысы аз уақыт аралығында қаланың мақтанышына айналған. Әртүрлі этнос өкілдері арасындағы бірлік пен ынтымақтастықты нығайтқан орталықтың мақсат-мүддесі биік. Зейнеткерлердің әлеуметтік құқықтары мен мүдделерін қорғап, оларға жас ұрпақтың құрмет көрсетуіне ықпал еткен ұжым мемлекеттің ішкі құрылымының нығайып, дамуына да өзіндік үлесін қосып отыр.
Ауқымы күн өткен сайын артқан орталықтың төрайымы Фарида Есжанова: «Біз болашақта үстел теннисі, бильярд, ағылшын тілінің негіздерін үйрену және компьютерлік, қаржылық сауаттылық сияқты секцияларды ашуды жоспарымызға енгізіп отырмыз. Кез келген зейнеткер күнделікті сағат 9.00-ден 18.00-ге дейін біздің орталыққа келіп, қызығушылық танытқан секцияға жазылып, өз идеяларын ұсына алады. Біз әрбір ардагердің пікірін тыңдап, мүмкіндігінше жүзеге асыруға тырысамыз», дейді.
Зейнетке шыққанына үш жыл болған Ирина Милконян: «Мен жақында ғана қаламызда осындай орталықтың ашылға ныдығын естіп, қуанып қатарға қосылдым. Біз жұмысқа баруды тоқтатқандықтан, қимыл-қозғалысымыз азайып кететіндігі белгілі. Қозғалыс болмаса буын ауруы артады. Ал мына орталықта арнайы жаттығу жасап, бойды сергітуге мүмкіндік көп. Ең бастысы бір-бірімізбен сөйлесіп, ақылдасып отыратындығымыз қандай тамаша», деп орталықтың қарттардың белсенділігін артыру үшін қосатын үлесінің басым екендігін сөз етті.
Ал Галина Соболь орталыққа келгеннен бастап, бойындағы жаңа қабілеттің ашылғандығын айтады. Ол: «Ұлды ұяға, қызды қияға ұшырғаннан кейін біз үшін басты байланыс – зейнеткерлердің өзара шүйіркелесіп, бір жерде бас қосуы. Есте сақтау, жадтың жұмысын нығайтуға арналған жаттығулар мен қимылды ширатуға арналған сабақтар біз үшін өте қолайлы ұйымдастырылған. Сонымен қатар қылқаламмен сурет салып, түрлі мүсін жасау қабілетімнің бар екендігін осы орталыққа келіп біліп жатырмын», дейді зор ықылас танытып.
«Белсенді ұзақ өмір» орталығы – бұл қарт адамдардың қызықты сабақтарға қатыса отырып, қарым-қатынасқа, шығармашылыққа толы жаңа өмір таба алатын жаңа орын. Мұнда олар өздерін қажетті және маңызды сезініп, ортадан қолдау мен көмек ала алады. Сондықтан мұндай қоғамдық маңызы бар орталық жұмысы уақыт өткен сайын жанданып, дами беруі қажет. Осы іс-шаралардың бәрін ұйымдастырып, қарттар қауымы үшін игілікті іс атқарып жүрген «Құрметті еңбегі үшін», «Қазақстан Республикасының Еңбек озаты», «Қазақстан мәслихаттарына 30 жыл», «Степногорск қаласының 60 жылдығы», «Еңбек ардагері», «Егемен ел патриоты», «Құрмет белгісі» сияқты медальдар мен марапаттардың иегері Фарида апамыздың өзі де белсенді өмір салтын
