Степногорск қалалық мәслихатының сегізінші шақырылымының жиырма төртінші кезектен тыс сессиясы өтті. Жиынға қалалық мәслихат төрағасы Олжас Аманжолұлы, қала әкімінің орынбасары Фархат Байқасов, Қоғамдық кеңес төрағасы Владимир Козейчук, сондай-ақ қала тұрғындары мен сала өкілдері қатысты.
Сессия ҚР «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес ұйымдастырылып, қала өміріне тікелей әсер ететін өзекті мәселелер талқыланды.
🔹 Күн тәртібінде қаралған негізгі мәселелер
1. 2025–2027 жылдарға арналған қала бюджетіне өзгерістер енгізу
Қала әкімінің орынбасары Фархат Байқасов баяндама жасап, бюджеттен бөлінген қаражат төмендегі бағыттарға бағытталды:
-
Коммуналдық қызметтерді төлеу – 13 млн тг
-
Ғимараттарды жөндеу – 15 млн тг
-
Шатырды жөндеу – 6 млн тг
-
Су құбырларын ауыстыру (Байконыс) – 28,2 млн тг
-
Су құбыры желілерін абаттандыру (С.Бөгенбай) – 44,2 млн тг
-
Қала жарықтандыруы – 18 млн тг
-
Көгалдандыру және абаттандыру – 150 млн тг
-
Тротуар жөндеу – 30 млн тг
-
Жолаушылар тасымалын субсидиялау – 70 млн тг
-
Жылу жүйелерін қайта құру және оқшаулау – 30 млн тг
Бұл қаражат қаланың коммуналдық инфрақұрылымын дамытуға және тұрғындардың өмір сапасын жақсартуға бағытталды.
2. Ауылдық елді мекендердің бюджетіне түзетулер енгізу
Әр округтің әлеуметтік-экономикалық дамуына қаржы қарастырылды:
-
Ақсу кенті – қысқы жол күтімі, көше жарығы (7,6 млн тг)
-
Қарабұлақ ауылы – ағымдағы шығындар, қысқы жол күтімі (7,5 млн тг)
-
Шантөбе кенті – коммуналдық қызмет, өрт сөндіру бекеті (8,3 млн тг)
-
Изобильное ауылы – әкімдік ғимараты, жол күтімі (7,6 млн тг)
-
Бестөбе кенті – тротуар жөндеу, техника алу (14,6 млн тг)
-
Заводской кенті – ішкі жолдарды жөндеу (45 млн тг)
-
Қырыққұдық ауылы – коммуналдық қызмет, әлеуметтік нысандар (19 млн тг)
3. Жолаушылар тасымалы тарифтерін бекіту
Қала аумағында тұрақты автобус бағыттарына сараланған тариф енгізу ұсынылды. Сонымен қатар қала маңы бағыттарының тарифтері келісілді.
4. Үнемделген және игерілмеген қаражат
-
Үнемделген сома – 29,7 млн тг
-
Игерілмеген қаражат – 359,8 млн тг
Негізінен бұл қаражат жол жөндеу, әлеуметтік нысандарды абаттандыру, «жылы аялдамалар» орнату және тұрғын үй сатып алу жұмыстарына жұмсалмай қалған.
5. Әлеуметтік санаттағы азаматтарға қоғамдық көлікте жеңілдіктер
Тегін жүру құқығы берілді:
-
ҰОС ардагерлері мен тыл еңбеккерлері
-
Чернобыль апаты ардагерлері
-
І–ІІ топтағы мүмкіндігі шектеулі жандар
-
Көпбалалы аналар
-
Балалар үйінің тәрбиеленушілері
-
Жетім балалар
-
Мектеп оқушылары (оқу кезеңінде)
-
Зейнеткерлер
6. Тұрғын үй комиссиясының құрамына өзгерістер енгізу
Комиссия жұмысының ашықтығы мен әділдігін арттыру үшін түзетулер жасалды.
7. Қаланы басқару схемасын бекіту
Сессияда қала әкімшілігін тиімді басқаруға арналған жаңа схема ұсынылып, қабылданды.
Кезектен тыс сессия барысында Степногорск қаласының әлеуметтік-экономикалық дамуына тікелей әсер ететін шешімдер қабылданды. Мәслихат төрағасы Олжас Аманжолұлы жиынды қорытындылай келе, қабылданған шешімдердің қала дамуына жаңа серпін беретінін атап өтті.
