Қазақстан бойынша өткен Спорт күніне арналған мерекелік іс-шаралар Степногорск қаласында да жоғары деңгейде ұйымдастырылды.
Қала тұрғындары мен қонақтары Қажымұқан алаңында жиналып, таңертеңгілік қалалық жалпыға арналған дене шынықтыру жаттығуына (зарядка) қатысты.
Құттықтау сөз сөйлеген Мәдениет, тілдерді дамыту және дене шынықтыру бөлімінің басшысы Б.Ә. Таубайқызы қала спортшыларының жетістіктерін атап өтіп, үздік спортшыларды арнайы дипломдармен марапаттады.
Мерекелік шара шығармашылық ұжымдардың қатысуымен өткен концерттік бағдарламаға ұласып, қала тұрғындарына шаттық, көтеріңкі көңіл-күй сыйлады.
Бұл шара спортшылардың еңбегін бағалау, қала тұрғындарын салауатты өмір салтына шақыру және мерекелік көңіл-күйді арттыруға бағытталды.
