2024 жылы Қазақстанда ана мен бала денсаулығы бағытында қабылданған кешенді шаралардың нәтижесінде оң динамика байқалды. Бұл туралы Денсаулық сақтау министрі Ақмарал Әлназарова Үкімет отырысында мәлімдеді, деп хабарлайды ALTYNQALA.KZ ақпарат агенттігі.
Министрдің айтуынша, 2023 жылмен салыстырғанда:
-
аналар өлімі 12%-ға,
-
нәресте өлімі 11%-ға төмендеген.
Ал 2025 жылдың алғашқы алты айының қорытындысы бойынша:
-
ана өлімі – 10%-ға,
-
нәресте өлімі – 26%-ға қысқарған.
Медициналық көмектің сапасы мен қолжетімділігі артуда
Акушерлік және педиатриялық көмектің сапасын арттыру мақсатында клиникалық хаттамалар мен стандарттар жаңартылды.
2024 жылғы 1 маусымнан бастап:
-
босану, операциялар және шала туған нәрестелерді күтіп-бағу қызметтеріне арналған тарифтер ұлғайтылды,
-
бұл қымбат дәрі-дәрмектерге қолжетімділікті арттырып,
-
медициналық ұйымдардың қарыз жүктемесін азайтуға және
-
білікті мамандарды тартуға жағдай жасауға мүмкіндік берді.
Жаңа тәсілдер мен нақты нәтижелер
Ақмарал Әлназарованың айтуынша:
-
босанудан кейінгі қан кетулерге қарсы күресте жаңа тәсілдер енгізілген,
-
органды сақтап қалу операциялары 20%-ға көбейген,
-
медициналық авиация арқылы көрсетілген жедел әрі жоғары мамандандырылған көмек 96% жағдайда ана мен баланың өмірін сақтап қалуға сеп болды.
Бұдан бөлек, биыл алғаш рет дәрі-дәрмек тізіміне:
-
пиелонефритпен,
-
қант диабетімен,
-
гипертониямен ауыратын жүкті әйелдерге арналған препараттар енгізілген.
«Аналар саулығы» жобасы аясындағы бастамалар
«Аналар саулығы» жобасы шеңберінде:
-
жүктілікке алдын ала дайындық бағдарламалары енгізілді,
-
скринингтік тексерулер кеңейтілді,
-
даму кемістіктерін ерте анықтау шаралары күшейтілді.
Сонымен қатар:
-
ел бойынша 22 перинаталдық орталықта ұрықты қорғау орталықтары мен
-
«Бір күндік клиникалар» ашылып, болашақ аналарға кешенді тексеру мен қолдау көрсетілуде.
Бұл көрсеткіштер Қазақстанның ана мен бала денсаулығын жақсартуға бағытталған жүйелі саясаты өз нәтижесін беріп жатқанын көрсетеді.
