Қазақстандық теннисші, әлемнің 12-ракеткасы Елена Рыбакина Монреальде өтіп жатқан WTA-1000 турнирінің жартылай финалына жолдама алды, деп хабарлайды ALTYNQALA.KZ ақпарат агенттігі.
Ширек финалда Рыбакина украиналық Марта Костюкті 6:1, 2:1 есебімен жеңді. Костюк үшінші сет барысында жарақатына байланысты матчты жалғастырудан бас тартты. Ойын небәрі 56 минутқа созылды.
Матч статистикасы бойынша, Рыбакина эйс соқпаса да, бір ғана қос қате жіберіп, 11 брейк-пойнттың үшеуін тиімді пайдаланды. Қарсыласы үш қос қате жіберіп, жалғыз брейк мүмкіндігін де іске асыра алмады.
Жартылай финалда қазақстандық теннисші канадалық Виктория Мбокомен кездеседі.
Айта кетейік, Елена Рыбакина Монреаль турнирінде қатарынан екі жыл (2023 және 2025) жартылай финалға шыққан ең жас теннисші атанды. Мұндай нәтижеге бұған дейін Каролин Возняцки 2010–2012 жылдары қол жеткізген болатын.
Еске сала кетейік, WTA-1000 санатындағы турнир 27 шілде мен 7 тамыз аралығында Канадада өтуде.
