Бұл туралы Үкімет отырысында өнеркәсіп вице—министрі Иран Шархан мәлімдеді, деп хабарлайды ALTYNQALA.KZ ақпарат агенттігі.
Ол министрлік жетекшілік ететін салалар бойынша кадрларға қажеттілік шамамен 40 мың адамды құрайтынын атап өтті. Бүгінгі таңда жаңа кәсіптер атласы министрлік желісі бойынша 75 жаңа кәсіпті қамтиды. «Мысалы, металлургия және тау-кен өндіру секторында — роботтандырылған тау-кен техникасының операторы, өндіру және металлургия өнеркәсібінің смарт—жүйелерін әзірлеуші, машина жасауда – виртуалды прототиптеу жөніндегі маман, құрылыста – цифрлық жобалаушы, Big Data талдаушысы, «ақылды үй«жобалаушысы. Сондай-ақ, бизнес— процестерді автоматтандыру процесінде 40-тан астам мамандық трансформацияланды«, — деді Иран Шархан. Ағымдағы жылы өңдеу өнеркәсібінің 190 инвестициялық жобасы пайдалануға берілгеннен кейін машина жасау саласында тағы 8 жаңа кәсіп пайда болады деп жоспарлануда. Тізімде — «3D басып шығару және дәнекерлеу инженері«, «роботты бояу жүйелерінің операторы« және т. б.
