Қазақстан мен Қытай арасындағы ауыл шаруашылығы саласындағы өзара сауда көлемі айтарлықтай өсіп отыр. Бұл туралы ҚР Ауыл шаруашылығы министрі Айдарбек Сапаров пен Қытай Халық Республикасының Қазақстандағы Төтенше және Өкілетті Елшісі Хань Чуньлин арасындағы кездесу барысында айтылды, деп хабарлайды ALTYNQALA.KZ ақпарат агенттігі.
🔹 2024 жылы екі ел арасындағы ауыл шаруашылығы өнімдерінің тауар айналымы 10%-ға артып, 1,4 миллиард АҚШ долларына жетті.
📈 2025 жылдың қаңтар–мамыр айлары аралығында Қазақстанның Қытайға ауылшаруашылық өнімдерін экспорты 35%-ға ұлғайып, 513,4 млн долларға жетті.
Негізгі экспорттық тауарлар:
-
Ауыл шаруашылығы жем-шөптері – +485%, 1,2 млн тонна
-
Өсімдік майлары – +26%, 173,3 мың тонна
-
Бидай – тұрақты түрде ірі көлемде жеткізілуде
Ауыл шаруашылығы министрлігінің мәліметінше, екі ел арасындағы аграрлық ынтымақтастықтың артуы экспорттық әлеуеттің өсіп келе жатқанын және қазақстандық өнімнің Қытай нарығында сұранысқа ие екенін көрсетеді.
