Семей қаласындағы Геологиялық барлау колледжінде жас геологтардың ІІ республикалық далалық олимпиадасы өз мәресіне жетті. Бұл жолы жарысқа еліміздің түкпір-түкпірінен 9–12 сыныптарда оқитын 15 команда қатысты. Олар геология ғылымына қызығушылық танытып, білімі мен дағдыларын нақты жағдайда сынауға мүмкіндік алды.
🔬 Апта бойы оқушылар геологияның әртүрлі бағыттары бойынша білімдерін ортаға салды:
палеонтология, минералогия, магнитометрия, гидрология, шлихты байыту, геологиялық қималар жасау, мұнай мен газ іздеу, қауіпсіздік техникасы, далалық базаны ұйымдастыру және тағы басқа.
🏆 Командалық есеп нәтижесі:
• 🥇 І орын – «Альтаир» командасы (Астана)
• 🥈 ІІ орын – «Аспан» құрама командасы
• 🥉 ІІІ орын – «Геобайт» командасы (Қостанай)Жеке номинация — «Үздік жас геолог» жеңімпаздары:
• Алина Блохина («Геобайт», Қостанай)
• Артём Трещев («Аспан», құрама команда)
• Еркеназ Оразалы («Альтаир», Астана)🎓 Грант иегерлері:
• Бекарыс Бақберген – Қазақстан-Британ техникалық университетінің гранты
• Алина Блохина, Платон Дейно, Алихан Жұмашев, Аслан Омаров – Satbayev University гранттары
• Анна Соловьенко – Сәтбаев атындағы Қарағанды техникалық университетінің ректорлық гранты
📌 Олимпиаданың басты мақсаты – «Жас геолог» қозғалысы аясында жастардың геологияға қызығушылығын арттыру және болашақ мамандарды дайындау. Қозғалысқа бүгінде ел бойынша 1000-нан астам бала қатысады.
🛠 Qazaq Geophysics компаниясы балаларға өндірістік деңгейдегі геофизикалық құралдармен жұмыс істеуге мүмкіндік берсе, «Kazakhmys Barlau» және басқа демеуші ұйымдар олимпиаданың табысты өтуіне тұрақты қолдау көрсетуде.
🎙 Олимпиадаға қатысушы Еркеназ Оразалы:
«Үшінші жыл қатарынан қатысып келеміз. Жеңіске судьялардан алған кеңес пен қажырлы дайындықтың арқасында жеттік. Геология туралы көп нәрсе білдім және болашағымды осы саламен байланыстырамын».
⸻
Бұл — тек білім сайысы емес, сонымен қатар еліміздің геология саласына серпін беретін ұрпақтың қалыптасуының нақты қадамы.
