Қазақстанда ішкі және келу туризмін дамыту мақсатында Туризм және спорт министрлігі 7 бағыт бойынша мемлекеттік қолдау шараларын жүйелі түрде жүзеге асырып келеді. Бұл шаралар туристік өнім сапасын арттыруға және туристік инфрақұрылымды жақсартуға бағытталған.
✅ Қолдау бағыттары:
🔹 Шаңғы курорттарына арналған техника мен жабдық шығындарының 25%-ы өтеледі
Мемлекет қармен жабдықтау жүйелері, қар тазалайтын техника мен көтергіштер сатып алуға кеткен шығындардың бір бөлігін субсидиялайды.
🔹 Жол бойындағы сервистік нысандар құрылысының 10%-ы қайтарылады
Мотель, жанармай құю станциясы, тамақтану орындары, дәріханалар секілді нысандар салу кезінде шығынның бір бөлігі бюджет есебінен өтеледі.
🔹 Туристік нысандарды салу және жаңғырту шығындарының 10%-ы өтеледі
Қонақ үй, демалыс базасы, туризмге қажетті өзге де инфрақұрылым салуға кеткен шығындар субсидияланады.
🔹 Туристік мақсаттағы автобустарды сатып алуға кеткен шығынның 25%-ы өтеледі
8 орыннан көп жолаушы таситын автобустарды сатып алуға кеткен шығын 5 жыл бойы тек туризм үшін пайдаланылатын болса, жартылай қайтарылады.
