Қазақстандық жас шахматшы Торежан Сейдолла тек спортта ғана емес, сән әлемінде де үлкен жетістікке жетті.
Астанадағы шахмат клубының 17 жастағы тәрбиеленушісі Торежан Сейдолла Париждегі ерлер сән апталығында әйгілі Dior брендінің киімін таныстырып, халықаралық деңгейде назар аудартты. Бұл туралы ALTYNQALA.KZ ақпарат агенттігі хабарлады.
🔹 Әлемдік сән агенттігімен келісімшарт
Оның жетістігі тек сән көрсетілімімен шектелмейді. Жас қазақстандықпен әлемдегі ең ірі модельдік агенттіктердің бірі — IMG Models ресми келісімшартқа отырды. Бұл — сән индустриясындағы үлкен серпіліс.
🎓 Шахматты ұмытқан жоқ
Сән әлеміндегі табысына қарамастан, Торежан шахматқа деген сүйіспеншілігін сақтап келеді.
«Қаңтар айында 3-разряд, ақпанда 2-разряд нормасын орындады. Бос уақыты болғанда шахматқа қайта оралуды жоспарлап отыр», – деп мәлімдеді Орталық шахмат клубының өкілдері.
📌 Торежанның жетістігі — қазақ жастарының мүмкіндігінің шексіз екенін тағы бір дәлелдеді. Ол бір мезгілде спорт пен сән әлемінде жарқырай алатын нағыз көпқырлы тұлға.
