Құны 434,3 миллиард теңгеге жеткен заңсыз жолмен алынған активтер мемлекет меншігіне қайтарылып, арнайы мемлекеттік қорға аударылды. Бұл туралы Қаржы министрі Мәди Тәкиев Үкімет отырысында мәлімдеді, деп хабарлайды ALTYNQALA.KZ ақпарат агенттігі.
Министрдің айтуынша, осы қаражат есебінен 318,1 миллиард теңгеге 406 әлеуметтік маңызы бар жоба қаржыландырылған:
•230 жобасы – сумен жабдықтау және су бұру желілерін дамыту;
•162 жоба – денсаулық сақтау саласына;
•10 жоба – білім беру саласына;
•4 жоба – спорт инфрақұрылымына тиесілі.
Бұл жобалар республика бойынша маңызды инфрақұрылымды дамытуға бағытталған.
