Қазақстан – Еуразия транзит картасындағы орнын күшейтіп келеді.Ірі инфрақұрылымдық жобалар жүзеге асырылуда, деп хабарлайды ALTYNQALA.KZ ақпарат агенттігі.
Мемлекет басшысы Қасым-Жомарт Тоқаевтың тапсырмасына сәйкес, Қазақстан Үкіметі елдің транзиттік әлеуетін нығайту бағытында жүйелі жұмыс жүргізіп жатыр. Бұл – Қазақстанды Шығыс пен Батыс, сондай-ақ Орталық және Оңтүстік Азия арасындағы маңызды логистикалық хаб ретінде орнықтыруға бағытталған стратегиялық маңызды бағыт.
🛤 Теміржол – өткізу мүмкіндігі шегінде жұмыс істеуде
Премьер-министрдің айтуынша, соңғы бес жылда еліміздегі жалпы транзит көлемі 50%-ға артқан, ал Транскаспий бағыты бойынша – алты есеге өскен. Мысалы, өткен жылы Қытайдан Еуропаға жөнелтілетін жүк көлемі 62%-ға өсіп, 4,5 млн тоннаға жетті.
📌 Президенттің тапсырмасымен мына жобалар іске асырылуда:
•Достық–Мойынты екінші теміржол желісі
•Алматы айналма теміржолы
•Дарбаза–Мақтаарал (2026 жылы аяқталады)
•Мойынты–Қызылжар, Бақты–Аягөз жобалары
🔄 Бұл жобалар іске асқаннан кейін транзиттік өткізу мүмкіндігі жылына 10 млн тоннаға дейін артады.
💰 Үлкен инвестиция, үлкен нәтиже
«Бұл – үлкен инвестицияны талап ететін жұмыс, бірақ біз өзіміздің бәсекелестік артықшылығымызды жоғалтпау үшін бұл бағытта алға жылжимыз», — деді Премьер-министр.
📦 Цифрлық сауда дәлізі және TEZ Customs
Көлік процесін цифрландыру да қарқын алып келеді. TEZ Customs платформасындағы Цифрлық сауда дәлізі арқылы кедендік рәсімдеудің уақыты 3 сағаттан 30 минутқа дейін қысқарып, транзиттің жедел әрі тиімді жүруіне сеп болуда.
⚓️ Ақтау порты – контейнерлік хаб іске қосылды
2025 жылдың маусымында Ақтау теңіз портында контейнерлік хаб іске қосылды. Бұл Транскаспий халықаралық көлік бағдары (ТМТМ) аясындағы маңызды буынға айналып, контейнерлік өткізу әлеуетін арттырады.
🛣 «Орталық–Батыс» автожол дәлізі: Ауқымды құрылыс басталды
Астана – Жантеке – Егіндікөл – Арқалық – Торғай – Ырғыз бағытындағы 899 км жол құрылысы 2025–2029 жылдар аралығында іске асады.
➕ Құрылыс кезеңінде 3,5 мыңнан астам жаңа жұмыс орны ашылады, 1000-нан астам техника тартылады.
❗️ Бұл жоба Егіндікөл–Арқалық және Торғай–Ырғыз бағыттарында жол болмау мәселесін шешіп, Арқалық пен Торғай өңірін дамытуға серпін береді.
