Берік пен Баян Каниевтер өз аттарынан стипендиялық бағдарлама іске қосты. Енді жыл сайын бір қазақстандық азамат АҚШ-тағы ең беделді оқу орындарының бірі — Duke University жанындағы Fuqua бизнес мектебіне тегін оқуға мүмкіндік алады, деп хабарлайды ALTYNQALA.KZ ақпарат агенттігі.
— «Мен өзім 2005 жылы Duke университетін бітірдім, қазіргі күні де оқу орныммен тығыз байланыстамын», — деді кәсіпкер Берік Каниев.
Бағдарламаның тұсаукесері ЖенПУ кітапханасында өтті. Айта кетейік, бұл кітапхана өткен жылдан бері кәсіпкердің әкесі — Сералы Каниевтің есімімен аталады.
Fuqua мектебіндегі MBA бағдарламасының құны — 81 мың АҚШ доллары (яғни шамамен 41 миллион теңге). Енді осы оқу ақысын жыл сайын бір отандасымыз үшін толықтай стипендия жабады.
📌 Маңызды:
Стипендия тек MBA бағдарламасына арналған. Үміткерлерді университеттің өзі таңдайды, яғни іріктеуді Berik and Bayan Kaniyev Foundation жүргізбейді.
