Ұлттық аспапты ұлықтаған бұл күнде қала тұрғындары мен өнер сүйер қауым бас қосып, рухани шараның куәсі болды. Домбыраның пішінін бейнелеп шеру жасап, күй төкті. Әуезді әуен, сазды сәлем – көрерменнің көңілін тербетті. Бұл басқосу — халқымыздың қастерлі мұрасына деген шексіз құрметтің белгісі болды.
Айтулы шараға қалалық мәслихат төрағасы Олжас Аманжолұлы, қала әкімінің орынбасары Жанасыл Сабырұлы арнайы қатысып, ұлттық мұраны ұлықтаудың маңыздылығына тоқталды.
Күй шертушілер мен әншілер сахна төрінде өнер көрсетіп, көрермендерге ерекше рухани әсер сыйлады. Жиналған жұрт әсем әуенге елтіп, қазақы болмыстың бір тамшысымен қауышқандай болды.
