Халықаралық әйелдер күніне орай жасөспірім қыздар арасында волейболдан шағын турнир ұйымдастырылды. Бұл жарыс жас спортшылар үшін өз шеберліктерін шыңдауға, тәжірибе жинауға және командалық ойын дағдыларын дамытуға тамаша мүмкіндік болды.
Турнирдің басты мақсаты – жас ойыншыларды қолдау, олардың спортқа деген қызығушылығын арттыру және салауатты өмір салтын насихаттау. Волейбол алаңында шынайы тартыс өтіп, жас спортшылар жеңіске деген құлшынысын, шапшаңдығы мен шеберлігін көрсетті.
Жарысқа «Тарлан» спорт-сауықтыру кешені мен «Батыр» балалар-жасөспірімдер спорт мектебінің командалары қатысты.
Әр команда өздерінің жоғары дайындығын, ұйымшылдығын және жеңіске деген жігерін танытты. Ойындар қызықтыәрі тартысты өтіп, жанкүйерлерге ерекше әсер сыйлады.
Турнир нәтижесі бойынша:
1-орын – «Батыр» ДЮСШ командасы
2-орын – «Дарын» волейбол мектебі командасы
3-орын – «Тарлан» ФОК командасы иеленді.
Турнир соңында жеңімпаздар мен жүлдегерлер медальдармен, дипломдармен марапатталды. Жас спортшылардың жетістігі – олардың талпынысы мен жаттықтырушылардың қажырлы еңбегінің нәтижесі.
