Степногорск қаласында 5 наурыз күні кәсіби қызметтері мен аналық міндеттерін қатар атқарып келе жатқан, сондай-ақ қоғамдық өмірдің қайнаған ортасында жүрген қыз-келіншектердің, апа әжелеріміздің құрметіне арналған салтанатты шара өтті, деп хабарлайды altynqala.kz
Мерекелік шара «Жұмысшы мамандықтар жылы» аясында және Халықаралық әйелдер күніне орайластырылып ұйымдастырылды. Аталған салтанаттың қаланың түрлі кәсіпорындарында, өндіріс орындарында және қоғамдық қызмет салаларында еңбек етіп жүрген әйелдердің еңбегін бағалау мен құрметтеу тұрғысынан мәні мен маңызы зор.
Бұл сәт – тек әйелдердің еңбегіне құрмет көрсету ғана емес, олардың қоғамдағы рөлін қайта бағалау, оларды тәуелсіз әрі күшті тұлғалар ретінде тану. Нәзік жандылардың табиғатына тән сұлулық пен жылы ықыласқа толы бұл мереке қала тұрғындарының жүрегіне ерекше шуақ себездетері сөзсіз. Салтанаттышараның ашылу сөзі Степногорск қаласы әкімінің орынбасары Жанасыл Сабырұлына берілді. Ол жұмысшы мамандықтағы әйелдердің қоғамдағы еңбегінің маңыздылығын ерекше атап өтіп, нәзік жандылардың еңбекқорлығы мен кәсібилігі жас мамандар үшін үлгі болатынын жеткізді. «Сіздердің қажырлы еңбектеріңіз бен өмірлік даналықтарыңыз жастарға жол көрсетіп, оларды еңбекке тәрбиелейді. Біз сіздердің өз ісіне деген адалдықтарыңызды және қоғамға қосқан үлестеріңізді жоғары бағалаймыз. Біздің мақсатымыз – еліміздің дамуына өз үлестеріңізді қосып жүрген адамдарды құрметтеу», деді әкімнің орынбасары.
Бұл сөздер салтанатты шараның мақсатын айқын аңғартты: : жұмысшы мамандықтағы әйелдердің еңбегін тану, олардың қоғамдағы рөлін жоғары бағалау. Әрқайсысының өмір жолы мен кәсібіне деген сүйіспеншілігі терең құрметке лайық, әрі олардың қоғам үшін атқарған еңбектері мен ерліктері өз алдына бір әңгімеге арқау боларлықтай. Әйеланаларға деген жүрекжарды тілегін арнаған Жанасыл Сабырұлы көп жылдар бойы түрлі салаларда адал еңбек етіп келе жатқан жандарға арнайы алғыс хаттар табыс етті. Бұл күні марапатқа ие болған жандардың қатарында мыналар болды:
Козлова Нина Александровна – көп жылдар бойы СПЗ зауытында өлшеу құралдарының бақылаушысы болып жұмыс істеді.
Еремина Александра Петровна – көп жылдар бойы тігінші, сондай-ақ энергетикалық есептеу бақылаушысы болып еңбек етті.
Аташева Зульфия Сәлімжанқызы – Степногорск қаласының Қалалық су арнасында тазарту құрылғыларында оператор болып қызмет етті.
Садырбаева Малика Әбдухалыққызы – Степногорск тау-кен-химиялық комбинатында арнайы киімдерді жөндейтін тігінші.
Арсентьева Людмила Федоровна – «Степногорск – Водоканал» кәсіпорнында су құбыры шаруашылығында бақылаушы болып жұмыс істеді. Солова Надежда Яковлевна – түрлі жөндеу жұмыстары бойынша кең тәжірибеге ие сырлаушы-сылақшы.
Федоренко Валентина Ильинична – Степногорск қаласының ГМЗ зауытында аппаратшы болып еңбек етті.
Хван Татьяна Михайловна – жерасты құрылғыларының машинисі және аккумулятор батареясын қуаттаушы, оның жұмысын дұрыс орындауы адамдардың қауіпсіздігіне тікелей әсер етті.
Соловьева Мария Густовна – ГМЗ зауытында компрессорлық қондырғылардың машинисі болып жұмыс істеді.
Әрбір марапатталған әйелдің өмір жолы әртүрлі болғанымен, олардың барлығына тән ортақ қасиет – олардың қай-қайсы да өз істерін жан-тәндерімен сүйеді. Осы сүйіспеншілігі арқылы қоғамға қызмет етеді. Осылайша, олардың еңбегі тек кәсіби жетістіктерімен ғана емес, моральдық және рухани күш-қуатымен де бағаланады. Әсіресе әйел адамдардың еңбекқорлығы мен табандылығы, мейірімділігі мен даналығы қазіргі заманның басты қажеттілігіне айналды. Іс-шараның одан әрі өрбуі мерекелік концертпен жалғасты.
Концерттік бағдарлама жан-жақты болып, әртүрлі өнер жанрлары мен халықтық дәстүрлердің әсем үйлесімін көрсетті. Бұл күнді ұмытылмас етіп, мерекенің мақсатына сәйкес барлығы бірлесіп, қауышты. Концертте кәсіби ұжымдар мен жекелеген өнерпаздар өнер көрсетіп, қала тұрғындары мен қонақтарының көңілдеріне үлкен қуаныш сыйлады. Мерекелік шараға жиналған көрермен қауым концертті үлкен ықыласпен қабылдады. Кеш соңында Степногорск қаласының Отбасыны қолдау орталығы салтанатты шараны ұйымдастыруға қолдау көрсеткен Жұмыспен қамту бөлімі мен Мәдениет бөліміне, осындай әдемі концертті өткізген «Степногорск қаласының Достық және шығармашылық үйі» МКҚК директорының міндетін атқарушы Әсем Қайыргелдіқызы мен сектор меңгерушісі Анар Құрманғалиқызына және оның қызметкерлеріне алғысын білдіреді. Олар іс-шараны ұйымдастыру арқылы тек әйелдердің еңбегін ғана емес, қоғамның жалпы мәдениеттілігін де көтеруге өз үлестерін қосты. Мұның өзі қала өміріндегі мәдени жаңғыру мен әлеуметтік бірлікке қосылған тағы бір қадам болды.
Мұндай шаралар тек еңбекқор әйелдерді марапаттап қана қоймай, қоғамның әйелдерге деген көзқарасын қайта жаңғыртып, олардың күш-қуатын, ықпалын және қоғамдағы орнының маңыздылығын тағы да терең түсінуге мүмкіндік береді.
