Степногорск қаласында 8 наурыз –Халықаралық әйелдер күніне орай үлкен салтанатты шара ұйымдастырылды. Көктемнің шуақты мерекесіне арналған іс-шара «Горняк» мәдениет сарайында өтті. Оған қала әкімі Гайдар Қасенов, әкімнің орынбасарлары, бөлім жетекшілері, мәслихат төрағасы мен депутаттары, жергілікті мекеме-ұжым басшылары және қала тұрғындары қатысты, деп хабарлайды altynqala.kz
Қала әкімі Гайдар Қабдоллаұлы жиналғандарды құттықтап, әйелдердің қоғамдағы рөлінің маңыздылығын, сондай-ақ олардың шаһар дамуына қосқан үлестерін атап өтті. Ол өз сөзінде: – «Құрметті ханымдар, қадірлі аналар мен арулар! Қазақ халқы әрқашан әйел-ананы ерекше құрметтеп, оны отбасының ұйытқысы санаған. Ана – өмірдің шырағы, отбасының алтын қазығы. Сіздердің мейірімдеріңіз бен ақылдылықтарыңыз біздің қоғамның дамуына тың серпін береді», деп ерекше ризашылығын білдірді ол. Әкім әйелдерге зор денсаулық, бақыт және барлық армандарының орындалуын тіледі.
Құттықтау сөзінен кейін, түрлі салаларда еңбек етіп жүрген қыз-келіншектерге алғыс хаттар табыстап, олардың қызметтерін жоғары бағалады. Осы күні Ақордада Мемлекет басшысы Қасым-Жомарт Тоқаев та әйелдер қауымын
төл мерекелерімен құттықтап, әлемге сүйіспеншілік пен жақсылық таратып жүрген аналарға ерекше алғысын білдірді. – «Әйел бір қолымен бесікті тербетсе, екінші қолымен әлемді тербетеді» деген дана сөз бекер айтылмаған.
Ана – өмір мен тіршіліктің бастауы. Сіздер баршамызға мейірім мен жылулық сыйлайсыздар, қазақ халқының салт-дәстүрі мен ана тілінің сақталуы да сіздердің еңбектеріңіздің жемісі, – деді Президент. Ұлт тарихында ерлік пен елдіктің туын биік ұстаған қазақ әйелдері аз болмаған: Тұмар, Бопай ханымдар, Домалақ ана, Зере, Ұлпан аналар, сондай-ақ Әлия, Мәншүк, Хиуаз секілді батыр қыздарымыздың ерліктері ел есінде. Бүгінгі әйелдер қауымын сол арулардың ізбасарлары деп бағалауға болады.
Ұрпақ тәрбиесі – ұлт тәрбиесі. Әйелдердің жағдайын жақсарту, оларға әрдайым жан-жақты қолдау көрсету – ел болашағы үшін аса маңызды. Осы тұрғыдан алғанда, Қазақстанда әйелдерге қатысты мемлекеттік шаралар мен әлеуметтік қолдау бағдарламалары белсенді түрде жүзеге асуда. Оның ішінде көпбалалы аналарды қолдаудың ұлттық моделі қалыптасып, ол үшін жаңа мүмкіндіктер ашылған.
Қазіргі таңда елімізде мемлекеттік қызметшілердің жартысынан көбі – әйелдер. Білім беру, денсаулық сақтау салаларында әйелдер басым болса, төтенше жағдайлар, қорғаныс және құқық қорғау органдарында да табысты жұмыс істепжатқан қыз-келіншектер аз емес. Әртүрлі кәсіп саласында да әйелдер жетістікке жетіп, ел экономикасын өркендетуге ықпал етіп келеді. Салтанатты шараның ресми бөлігінен кейін концерттік бағдарлама басталды. Концерттік бағдарламаның әрбір әні, биі мен шығармашылық қойлымы Степногорск қаласы мәдениетінің, сән-салтанаты мен руханиятының жоғарылығын паш етіп, қала өміріне ерекше әсер етті. Шынайы шеберлердің орындауындағы хас өнер туындылары мен музыканың әсем үйлесімі көпшіліктің көңілін бірден баурап алды.
Көрермендер залдың ерекше атмосферасын сезініп, әрбір шығармашылық нөмірге сүйсіне қарады. Қала тұрғындары мен қонақтары үшін бұл кеш ұмытылмас кешке айналды. Әсем әндермен көктемнің шуақты лебі, би өнерінің ырғақты қимылдары мен шығармашылықтың таңғажайып көріністері көпшілікке ерекше қуаныш сыйлады. Концерт залының атмосферасы өзінше бір ерекше әлемге айнатанаты мен руханиятының жоғарылығын паш етіп, қала өміріне ерекше әсер етті.
Шынайы шеберлердің орындауындағы хас өнер туындылары мен музыканың әсем үйлесімі көпшіліктің көңілін бірден баурап алды. Көрермендер залдың ерекше атмосферасын сезініп, әрбір шығармашылық нөмірге сүйсіне қарады. Қала тұрғындары мен қонақтары үшін бұл кеш ұмытылмас кешке айналды. Әсем әндермен көктемнің шуақты лебі, би өнерінің ырғақты қимылдары мен шығармашылықтың таңғажайып көріністері көпшілікке ерекше қуаныш сыйлады. Концерт залының атмосферасы өзінше бір ерекше әлемге айналды. Әрбір шарықтап шыққан үн, билердің икемді қимылдары, көрермендерді ризашылыққа бөлеп, залдың кеңістігін шарлап кетті. Концерттік бағдарламаның тағы бір ерекше бөлімі – қолөнер бұйымдары мен авторлық картиналардан тұратын көрменің ұйымдастырылуы болды.
Шеберлердің қолынан шыққан әрбір туынды өзінің терең мағынасымен және креативтілігімен көпшіліктің назарын аударды. Степногорск қаласының қолөнершілері мен суретшілері өз туындыларында қала тарихының, мәдениетінің, оның тыныс-тіршілігі мен адамдардың жүрегінен туындаған шабыттың барлығын көрсетті. Әрбір мүсін, әрбір картина – бұл тек өнер емес, олар қаланың бет-бейнесін, оның өткені мен болашағының симфониясын айқындайтын құнды туындылар болды.
Көрме тек қана эстетикалық ләззат сыйлап қойған жоқ, ол әрбір көрерменнің жанында Степногорск қаласының терең тарихы мен мәдени мұрасын тағы бір рет бағалауға мүмкіндік берді. Шеберлердің қолынан шыққан шығармашылық жұмыстарға қызығушылық танытқан қала тұрғындары мен қонақтары оларды қызықтап қарап, жылы лебіздер мен қолдауларын білдірді. Көрмеге қойылған әрбір туындыны ұзағырақ тамашалап, өнердің қуатын жантәнімен сезіне білген көзіқарақты көрермен осындай әдемі өнер кешін ұйымдастырған шеберлерге тәнті болып, өз құрметтерін білдірді. Бұл көрме қаланың өнерпаздары мен қолөнершілерінің шығармашылыққа деген шексіз құштарлығын көрсетіп, халықтың рухани деңгейін жоғарылатты. Салтанатты кештің соңында мерекеге келген барлық әйелдерге раушан гүлдер тарту етіліп, нәзік жандылардың әрқайсысына ерекше құрмет көрсетілді.
