
Степногорск қаласында ағымдағы жылдың 22 ақпан күні кәсіпорындар мен ұйымдар, сондай-ақ колледждер арасында ХХХІІ кешенді қалалық спартакиада аясында армрестлинг жарысы өтті. Бұл жарыс спортсүйер қауымның қызығушылығын оятып, күш пен төзімділікті сынайтын маңызды дода болды.
Фото: https://www.instagram.com/stepnogorsk_qalasynyn_akimdigi/ парақшасынан алынды.
Жарысқа қаладағы түрлі оқу орындары мен мекемелерден көптеген спортшылар қатысып, өзара мықтыларды анықтады. Армрестлинг сайысында колледж командалары арасында үздік нәтиже көрсеткендер:
- І орын – «Батыр» ЖБСМ
- ІІ орын – Тау-кен техникалық колледжі
- ІІІ орын – Жоғарғы колледж.
Ал кәсіпорындар мен ұйымдар арасында мықтылар қатарынан көрінгендер:
- І орын – Степногорск Тау-кен химиялық комбинаты
- ІІ орын – Полиция басқармасы
- ІІІ орын – Білім бөлімі.
Жарыс барысында қатысушылар өздерінің жоғары шеберліктерін, қажыр-қайратын және жеңіске деген жігерін көрсетті. Әрбір команда мүшесі өз салмақ дәрежесінде бар күш-жігерін салып, қарсыластарымен тартысты бәсекеге түсті. Жеңімпаздар мен жүлдегерлер арнайы дипломдар, кубоктар және медальдармен марапатталды. Ұйымдастырушылар жарысқа қатысушылардың спорттық рухын ерекше атап өтіп, мұндай іс-шаралар алдағы уақытта да жалғасын табатынын жеткізді. Жарысқа қатысқан барлық спортшыларға алғыс білдіреміз! Жеңімпаздарды шын жүректен құттықтаймыз және оларға болашақ жарыстарда жаңа жетістіктер тілейміз!