Қала тұрғындарының саны жылдан жылға өсіп келеді. 2025 жылдың басындағы халық саны 49,9 мың адамды құраса, 2040 жылға дейін бұл көрсеткіш 76,4 мың адамға жетеді деп болжанып отыр. Осыған байланысты жаңа тұрғын үй аумақтары мен әлеуметтік инфрақұрылымды дамыту қажеттілігі туындады. Өңір басшысы Гайдар Қабдоллаұлы жиналысқа қатысушыларға жаңа бас жоспарда қаланың инфрақұрылымдық мүмкіндіктерін кеңейтуге, әсіресе әлеуметтік және өндірістік аймақтарды дамытуға ерекше назар аударылатынын атап көрсетті. «ГРАДО» Жобалаушы фирма» ЖШС директоры А.Маметов өз кезегінде осы бағытта жүргізіліп жатқан жұмыстар туралы, сондай-ақ қала құрылысының маңызды аспектілері мен тенденциялары туралы айтып берді. Ал жетекші сәулетші Қ.Оразбаев бас жоспардың жаңартылған эскизі бойынша бірнеше маңызды бағыттарды ұсынды, деп хабарлайды altynqala.kz
Олардың ішінде тұрғын үйлер мен әлеуметтік объектілердің салынуы, көлік инфрақұрылымының жетілдірілуі және рекреациялық аймақтардың дамуы ерекше орын алады.
Қаладағы көлік қозғалысын оңтайландыру мақсатында жаңа көлік айырықтары мен жол байланыстары көрсетілді. Мысалы, Тәуелсіздік даңғылы мен Серова көшесінің қиылысында көлік айрығын орнату жоспарланып отыр.
Сонымен қатар Бейбітшілік пен Новосибирская көшелерінің қиылысында көлік көпірін салу мәселесі қарастырылды. Бұл өзгерістер қаланың көлік жүйесін жандандырып, жол қозғалысының тиімділігін арттырады. Қаладағы әлеуметтік ин фрақұрылымды дамыту үшін бір неше маңызды жобалар ұсынылды.
Жоспар бойынша жаңа 9 балабақша мен 7 мектеп салу көзделіп отыр. Жаңадан бой көтеретін руханият ошақтары балалардың білім беру саласында жаңа мүмкіндіктерге қол жеткізулеріне ыңғайлы жағдай туғызатыны анық. Сонымен қатар қалада жаңа спорт алаңдары мен демалыс орындары пайда болады.
Бұл тұрғындардың физикалық бел сенділігін арттыруға және қалалық өмірдің сапасын жақсартуға ықпал етеді. Қаладағы рекреациялық аймақтардың дамуыда маңызды мәселе болып табылады. Жиналыс барысында жағажай ұйымдастыру, парктер мен аттракциондар салу туралы ұсыныстар жасалды. Қала тұрғындарының демалысы мен белсенді өмір сүруі үшін қолайлы жағдайлар жасалмақ. Жаңа бас жоспар бойынша 220 гектар аумақ жаңа тұрғын үй құрылысына бөлінді. Бұл аумақта жеке тұрғын үй (1,7 мың адамға арналған) мен көпқабатты үйлер (17,3 мың адамға арналған) салынатын болады.
Сонымен қатар қаладағы өндірістік аймақтардың дамуы да жоспарланып отыр, бұл экономи каның өсуіне және жаңа жұмыс орындарының пайда болуына жол ашады. Қаладағы көлік мәселесін шешу үшін бірқатар маңызды жобалар ұсынылды.
Олардың ішінде Степная көшесін дачалық массив арқылы 10-микрорайонға дейін жалғастыру, сондай-ақ жаңа қосымша автокөлік жолдарын салу қарастырылды. Сонымен қатар транзиттік көлікті қала сыртынан өткізетін жолды ұйымдастыру жөнінде ұсыныстар жасалды. Степногорск қаласының жаңа бас жоспары тұрғындар үшін жайлы өмір сүру жағдайларын жасауға, қаланың инфрақұрылымын жаңартуға және әлеуметтік, экономикалық дамуды қамтамасыз етуге бағытталған ауқымды жоба болып табылады. Жиналыс барысында қабылданған шешімдер қала дамуының барлық негізгі бағыттарын қамтиды. Алдағы жылдары жүзеге асырылатын өзгерістер мен құрылыс жобалары Степногорск қаласының болашағын анықтап, қаланың қарқынды дамуына жол ашады.
