Қала әкімі жұмыс сапары аясында 45 пәтерлі тұрғын үйдің құрылыс алаңында болып, атқарылып жатқан жұмыстармен танысты. Сапар барысында ол жауапты қызметтер мен мердігер ұйым өкілдеріне құрылыс қарқынын арттыруды тапсырды, деп хабарлайды altynqala.kz
Сонымен қатар орындалған жұмыстардың сапасына ерекше назар аударудың маңыздылығын атап өтті. Әкімнің айтуынша, бұл бастама – тұрғындарды баспанамен қамтамасыз ету бағытындағы маңызды қадамдардың бірі. Құрылыс белгіленген мерзімде аяқталып, сапалы болуы үшін барлық жауапты тараптарға нақты міндеттер жүктелді. Құрылыс алаңында болған жиын барысында мердігерлік ұйым өкілдері атқарылған жұмыстар туралы баяндап, алдағы жоспарларымен бөлісті. Олардың айтуынша, қазіргі
уақытта үйдің қаңқасы толық тұрғызылып, ішкі әрлеу жұмыстары жүргізіліп жатыр. Инженерлік коммуникациялық жүйелерді тарту жұмыстары да қарқынды жүріп жатыр.
