« AMANAT» партиясы Степногорск қалалық филиалының атқарушы хатшысы А.Қасенов Партиялық бақылау комиссиясының жұмысы аясында Бестөбе кентінде болды. Ол жерде салынып жатқан 300 орындық мектептің құрылыс барысымен танысты. Аталған білім ордасы – «Партия ұйымының» Жол картасын іске асырудағы басты нысандардың бірі болып саналады, деп хабарлайды altynqala.kz
Мектеп құрылысының барысымен танысу аясында А.Касенов жұмыс сапасының талаптарға сай болуына және белгіленген мерзімде аяқталуына баса назар аударды. Жоба Бестөбе кентінің білім беру инфрақұрылымын
жақсартып, балалардың сапалы білім алуына мүмкіндік береді. Сонымен қатар, жаңа оқу орны кент тұрғындарының әлеуметтік жағдайын жақсартып, жергілікті жердегі жұмыс орындарының көбеюіне септігін
тигізбек. Кездесу барысында мердігер компания өкілдері атқарылған жұмыстар туралы баяндап, алдағы жоспарларымен бөлісті. Құрылыс барысында заманауи қауіпсіздік талаптары мен құрылыс стандарттарының сақталуы ерекше назарда екені айтылды. «АMANAT» партиясы атынан атқарушы хатшы мектеп құрылысының уақытында аяқталып, сапалы болуы тұрғындар үшін аса маңызды екенін атап өтті. Бұл жоба – партияның халық алдындағы жауапкершілігі мен әлеуметтік бастамаларды жүзеге асыруға деген ұмтылысының айқын көрінісі.
