20 ақпан күні Степногорск қаласында «Қаланың өзекті мәселелері» тақырыбында қалалық ардагерлер кеңесінің қатысуымен маңызды отырыс өтті. Жиынға қала әкімі Гайдар Қабдоллаұлы, қалалық мәслихат төрағасы Олжас Аманжолұлы және ардагерлер кеңесінің төрайымы Фарида Боташқызы қатысты, деп хабарлайды altynqala.kz
Кездесу барысында тұрғындардың өмір сүру сапасын арттыруға бағытталған бірқатар өзекті мәселелер қаралды. Атап айтқанда, азаматтардың әлеуметтік әл-ауқатын жақсарту, қаланың инфрақұрылымын дамыту, сондай-ақ зейнеткерлердің күнделікті өмірін жеңілдету жолдары талқыланды. Отырыста тұрғындар тарапынан көтерілген өтініштер мен ұсыныстарға ерекше назар аударылып, көпшілікті толғандыратын даулы мәселелерді шешу жолдары қарастырылды. Сонымен қатар, жиын барысында 2025 жылға арналған жоспарлар таныстырылып, алдағы кезеңде атқарылатын жұмыстардың негізгі бағыттары белгіленді. Қатысушылар қала тұрғындарының әл-ауқатын арттыру мақсатында бірлесіп жұмыс істеудің маңыздылығын атап өтіп, қоғамның белсенділігі мен ынтымақтастығы кез келген мәселенің шешімін табуда маңызды рөл атқаратынын жеткізді.
Отырыстың соңында қатысушылар ашық пікір алмасып, ортақ мүддені көздейтін ұсыныстар мен ой-пікірлерін ортаға салды. Қала басшылығы тұрғындардың көтерген барлық мәселелері назардан тыс қалмайтынын және оларды шешу үшін тиісті шаралар қабылданатынын мәлімдеді.
