30 қаңтар күні Степногорск қаласының әкімі Гайдар Қасеновтің қатысуымен «Аmanat» партиясы активінің маңызды әрі мазмұнды кездесуі өтті деп хабарлайды altynqala.kz тілшісі.
Аталған шара елдің әлеуметтік және саяси жағдайын зерделеу, сондай-ақ партияның алдағы уақыттағы стратегиялық бағыттарын анықтау мақсатында ұйымдастырылды. Саяси ұйымның Ақмола облыстық филиалының төрағасы Б.Беспалиновтың жетекшілігімен өткен жиынға қалалық бөлім басшылары, мәслихат депутаттары, партиялық бақылау мүшелері, бастауыш партия ұйымдарының төрағалары мен партия мүшелері қатысты.Бұл кездесу партияның жаңа серпін алып, халықтың қажеттіліктеріне бейімделу жолындағы қадамдарының алғашқы белгісі еді.
Б.Беспалинов өз сөзінде қоғамдағы тұрақтылықты нығайту және әрбір азаматтың құқықтары мен мүмкіндіктерін кеңейту мәселелеріне ерекше назар аударды. Партияның болашақтағы мақсаттары мен жоспарлары да көпшілікке ашық түрде ұсынылып, әрбір қатысушыға өз пікірін білдірді.Кездесу барысында 2024 жылғы партия филиалы мен депутаттық фракциялардың жұмыстары қорытындыланып, партияның сайлауалды бағдарламасының Жол картасы аясында атқарылған шаралар мен өзекті жобалар талқыланды.
Сонымен қатар, саяси ұйымның алдағы кезеңге арналған жобаларын жүзеге асыру мәселелеріне ерекше назар аударылды. Жиында «Аmanat» партиясының Степногорск қалалық филиалының төрағасы Д.Киноятов, партиялық бақылау комиссиясының төрағасы әрі қалалық мәслихат депутаты А.Гетманов, сондай-ақ «Спортшы» бастауыш партия ұйымының төрағасы Ф.Шаракаев пен «Бестөбе-Изобильное» бастауыш партия ұйымының төрайымы К.Мұстафина былтырғы жылды қорытындылап, есеп берді. Кездесуде партияның бағдарламасы мен қағидаттарына қатысты терең талқылаулар мен ұсыныстар айтылып, барлық қатысушылардың пікірлері ескеріліп, пікірталас арқылы тың серпіндер мен жаңа идеялар ұсыну мүмкіндігі туды.
