17 ақпан күні Степногорск қаласы әкімінің орынбасары Жанасыл Сабырұлы Ақмола облысының өңірлік коммуникациялар қызметінде қаланың 2024 жылғы әлеуметтік даму қорытындылары мен 2025 жылға арналған жоспарлары туралы есеп берді,altynqala.kz газетінің тілшісі.
Әкімнің орынбасары есепті баяндамасында Мемлекет басшысының «Әділ Қазақстан: Заң және тәртіп, экономикалық өсу, қоғамдық оптимизм» Жолдауының мәні мен маңызына ерекше тоқталды. Жолдауда әділ, таза
және қауіпсіз мемлекет құрудың басты бағыттары мен міндеттері айқын көрсетілген. Бұл, ең алдымен, Заң мен тәртіпке негізделген қоғам құру. Онда азаматтардың мүддесін қорғау, қоғамдық және мәдени қауіпсіздікті қамтамасыз ету бойынша нақты қадамдар белгіленген. Жанасыл Сабырұлының айтуынша, Степногорск қаласы бұл бағытта үлкен қадамдар жасап, әлеуметтік даму мен қоғамдық қауіпсіздікті қамтамасыз ету үшін барлық күш-жігерін жұмсап келеді.Әлеуметтік қорғау
Халықты әлеуметтік қолдау – Степногорск қаласының әлеуметтік-экономикалық дамуының негізгі басымдықтарының бірі. Әр жылы қалада мұқтаж азаматтарға көрсетілетін әлеуметтік көмектің мөлшері артып келеді. Бұл жылда да қаржылай көмек көлемі екі есеге көбейтіліп, әрбір
әлеуметтік топтың мұқтаждықтары толық қамтылған. 2025 жылдың басында, мұқтаж азаматтардың жекелеген санаттарына әлеуметтік көмек көрсету қағидаларына маңызды өзгерістер мен толықтырулар енгізілді. Мысалы, табиғи апаттар мен өрттер салдарынан мүлікке келтірілген залал үшін төлем мөлшері енді 100-ден 200 АЕК-ке дейін ұлғайтылды. Сонымен қатар жасы бойынша зейнеткерлерге 2 жылда 1 рет санаторий-курорттық емделуге
жолдама құны 30 АЕК көлемінде өтелетін болды. Бұдан бөлек, табысы төмен отбасылардан шыққан жоғары
медициналық оқу орындарында оқитын студенттерге оқу ақысы толықтай төленеді. Әлеуметтік осал топтарға қолдау көрсету үшін қаламызда бірнеше жаңа коммуналдық мемлекеттік мекемелер ашылды. Отбасыларды қолдау орталығы, белсенді ұзақ өмір сүру орталығы, үйде арнайы әлеуметтік қызметтер көрсету орталығы сынды мекемелер көпшіліктің көмегіне ұсынылды. Сонымен қатар, қалада өмірлік қиын жағдайға тап болған азаматтар мен тұрмыстық зорлық-зомбылық құрбандарына көмек көрсету мақсатында Дағдарыс орталықтары жұмыс істейді.
Жұмыспен қамту
2024 жылы Степногорск қаласында жұмысқа орналастыру мәселесі жоғары деңгейде шешімін тапты. Жоспар бойынша 2 815 адамның жұмысқа орналасуы көзделсе, нақты көрсеткіш
3 040 адамға жетіп, 108 пайызды құрады. Бұл жетістік тұрақты жұмыс орындарына 2 656 адамның, ал уақытша жұмыс орындарына 384 адамның орналасуына мүмкіндік берді. Жеке кәсіпкерлер тарапынан 680 жұмыс орны құрылды, бұл жоспарланған 690 орынның 101,5 пайызын қамтыды. Нәтижесінде, жалпы жұмыссыздық деңгейі 3,8 пайызды құрап, 516 адам жұмыссыз ретінде есепке алынды.
Қазіргі таңда Степногорск өңірінде 696 бос жұмыс орны бар: өндіріс саласында – 365, денсаулық сақтау саласында – 83, білім мен мәдениет салаларында – 46, «Әскери бөлім 3517» мекемесінде – 77 және басқа
да қызмет көрсету салаларында – 125. Қазақстан Республикасының Президенті Қасым-Жомарт Тоқаевтың
«Жұмысшы мамандықтарыныңжылы» бастамасы аясында 2024 жылдың желтоқсан айында жыл үздіктері
марапатталды. Бұл да өңірде еңбекететін мамандарға деген құрметпен ынталандырудың бір көрінісі.
«Қала тұрғындарына, әсіресе жас буынға айтқым келетіні – біздің өңірде жұмысшы мамандықтарына бос
орындар жетіп артылады. Егер сіздер біздің өңірді дамытуға, көркейтуге өз үлестеріңізді қосқыңыз келсе, біз сіздерді қуана қарсы аламыз. Алғашқы қадамды басқа аймақтардан келетін азаматтар да атқарып, жатақхана мәселесі шешілген. Степногорск – жұмыс орындары мен мүмкіндіктерге толы қала, онда еңбек етіп,
болашағын қалыптастырғысы келетін әрбір азаматқа есік ашық», деді Жанасыл Сабырұлы.
Медицина
Медициналық қызмет көрсету жүйесі үздіксіз дамып келеді. Қаладағы басты медициналық мекеме
– «Степногорск көпбейінді қалалық ауруханасы» МКҚК тұрғындарға стационарлық және амбулаторлық
медициналық көмек көрсетеді. Аурухана құрамында тәулік бойы жұмыс істейтін 254 орындық стационар, 28 орындық күндізгі стационар мен ауысымына 25 адам қабылдайтын дәрігерлік амбулатория бар.
2023 жылдан бастап «Ауылдықденсаулық сақтау жүйесін модернизациялау» ұлттық жобасы аясында
аурухана жаңа даму кезеңіне өтті. Бұл жаңғырту жұмыстарының нәтижесінде емдеу мекемесіне өңіраралық мәртебе беріліп, бұдан былай ол Біржан сал, Бұланды, Ақкөл және Шортанды аудандарының тұрғындарына да
медициналық қызметін көрсететін болды. Қалада денсаулық сақтау саласында 381 адам жұмыс істейді: 64 дәрігер,
162 орта медициналық қызметкер, 98 кіші медициналық қызметкер және 57 басқа қызметкер. Алайда, әлі де
медицина мамандары жетіспейді: 2024 жылдың 1 қаңтарындағы есеп бойынша 18 дәрігер мен 20 орта медициналық қызметкер қажет. Жаңа
елген дәрігерлерге әлеуметтік қолдау ретінде 5 миллион теңге көлемінде көтермеақы төленеді. Аурухананың материалдық-техникалық базасын жаңарту да басты назарда. 2023 жылы МЦРБ шеңберінде 2,0 миллиард теңге көлемінде 88 дана медициналық техника сатып алынды. 2024 жылы тағы 210 миллион теңгеге 52 дана жаңа медициналық техника алынды, соның ішінде МРТ құрылғысы да бар. Ақмола облысының денсаулық сақтау басқармасы қалаға жаңа реанимобильді құрал-жабдықтар әперді, 2025 жылы тағы да 1,5 миллиард теңгеге 50 дана медициналық техника сатып алу жоспарланған.
Білім беру
Білім беру саласында да маңызды өзгерістер мен жаңалықтар аз емес. Қазіргі таңда қала бойынша 12 204 баланы қамтитын 49 білім беру ұйымы жұмыс істейді, оның ішінде 23 жалпы білім беретін мектеп бар. Бұл мектептерде білім алушы оқушылардың жалпы саны – 9 569 адам, ал кешкі мектептерде оқитын 174 оқушы бар.
2024 жылдың алғашқы жартыжылдығында оқушылардың білім сапасы 64,1%-ға жетті. Бұл көрсеткіш білім
сапасының тұрақты өсіп келе жатқанын білдіреді. 2024 жылы 11-сыныпты 374 оқушы аяқтады, олардың 31-і
«Үздік аттестат» иегері атанып, 27 оқушы «Алтын белгі» алды. Сондай-ақ 9-сыныпты аяқтаған 905 оқушының
90-ы Үздік аттестатқа ие болды. Ұлттық бірыңғай тестілеуге қатысқан 374ды. Қазіргі таңда екі мектепте күрделі
жөндеу жұмыстары жүргізілуде: «Заводской кентінің жалпы білім беретін мектебі» мен «Ақсу кентінің № 2 жалпы білім беретін мектебі». Бұл жұмыстар білім мекемелерінің жағдайын жақсартып, оқушылар мен
мұғалімдерге қолайлы білім алу ортасын қамтамасыз етуге бағытталған. Сонымен қатар 2024 жылы 11
білім мекемесінде ағымдық жөндеу жұмыстары жүргізілді. Бұл жұмыстар оқушыларға сапалы білім алуға барынша қолайлы жағдай жасау үшін жасалған ауқымды шаралардың бір бөлігі. Қаланың әлеуметтік тұрғыдан осал топтарынан шыққан оқушыларды қолдау да маңызды бағыттардың бірі. 2024 оқу жылында жалпы білім
беретін мектептерде 4 560 оқушы тегін тамақтануда, ол мектептердегі оқушылардың 49%-ын құрайды. Атап айтқанда, 1-4 сыныптарда оқитын 3 890 оқушы және халықтың әлеуметтік осал топтарынан шыққан 670
бала бар. Бұл мақсатқа мемлекет тарапынан 608 млн 715 мың теңге бөлініп, әлеуметтік қолдау шаралары
толық жүзеге асырылуда.
Спорт
Степногорск қаласында дене шынықтыру мен спортқа ерекше мәнберіледі. Бұл сала қаламызда тек
денсаулықты нығайту мен физикалық дамуға ықпал етіп қана қоймай, сондай-ақ жастарды тәрбиелеу, командалық рухты қалыптастыру және қала абыройын көтеру тұрғысынан маңызды рөл атқарады. Өткен жылы
біздің спортшыларымыз 26 облыстық, 6 республикалық және 1 халықаралық жарысқа қатысып, жоғары
көрсеткіштерге қол жеткізді. Бұл қалада дене шынықтыруға деген қызығушылықтың артқанын, сондай-ақ
спорттың тек қана жеңіс үшін емес, қоғамды біріктіру үшін де маңызды құрал екенін көрсетеді.
Қаланың дене шынықтырумен тұрақты айналысатын тұрғындары 42,8%-ды құрайды, бұл – 14 мың
адам. Бұл көрсеткіш – қала тұрғындарының спортқа деген сүйіспеншілігі мен денсаулыққа жауапкершілікпен
қарауын айғақтайды. Степногорск қаласы спорттық жарыстарда да үлкен жетістіктерге қол жеткізді. Мәселен, құрама команда облыстық «Хрустальный колос» қысқы спартакиадасында3-орын, ал Көкшетау қаласында өткен
«Ақ бидай» жазғы спартакиадасында 2-орынға ие болды. Сондай-ақ, мүгедектігі бар жандар арасында
өткізілген облыстық «Надежда» спартакиадасында да Степногорск құрама командасы үздіктер қатарында болды.
2024 жылдың қыркүйегінде қаламыздың 60 жылдығына орай ұйымдастырылған «Құлагер» облыстық
спартакиадасының I-кезеңінде біздің құрама команда облыс бойынша 2-орынға табан тіреді. Бұл жетістік
Степногорсктің спорттық деңгейін ғана емес, бүкіл өңірдің серпінді дамуын айғақтайды.
Қалада 112 спорт ғимараты мен 42 спорт залы, 3 жүзу бассейні тұрғындардың салауатты өмір салтын ұстануына барлық жағдайды қамтамасыз етеді. Спорттық инфрақұрылымдыодан әрі дамыту мақсатында, 2025
жылдың қаңтарында «Тарлан» дене шынықтыру-сауықтыру кешенінің салтанатты ашылуы өтті. Ақмола облысының әкімі Марат Ахметжановтың және қала жұртшылығының қатысуымен өткен бұл шара өңірдің
спорт саласында үлкен жетістік болды. Ауданы 2 600 шаршы метрден асатын жаңа кешен екі блоктан тұрады: бірінде волейбол мен шағын футбол алаңы, екіншісінде күрес, бокс, фитнес және сауықтыру залдары орналасқан. Спорттық инфрақұрылымдағы мұндай жаңалықтар қала тұрғындары үшін үлкен мүмкіндіктер ашуда.
Ерекше қажеттіліктері бар азаматтар үшін де спорттық кешендердің қолжетімділігі қамтамасыз етілген.
Бұл кешенде қазірдің өзінде ауыр атлеттер, боксшылар, балуандар мен футбол командалары жаттығуларын
өткізіп, өз шеберліктерін шыңдауда. Алдағы уақытта қаржыландыру жоспарға сәйкес дер кезінде бөлетін
болса, Степногорск қаласының жабық хоккей кортының, шаңғы базасының, Бестөбе кентінде ашық спорт кешенінің, сондай-ақ денешынықтыру және сауықтыру кешенінің құрылысы осы жылдың соңына дейін аяқталады деген үміт бар.
Құқық
Ағымдағы жылдың қаңтар айындаСтепногорск қаласында Оперативтік басқару орталығының ашылуы үлкен жаңалық болды. Бұл орталық Қазақстанда бөлек әкімшілік ғимаратта орналасқан алғашқы осындай
нысан болып табылады және өз қызметін іске қосқаннан кейін қаладағы қоғамдық қауіпсіздікті қамтамасыз
ету жүйесіне жаңа серпін береді. Орталықтың жұмысы полицияның жедел әрекет ету қабілетін арттырып,
қаладағы қауіпсіздікті бақылаудың жаңа тәсілдерін ұсынады. Оперативтік басқару орталығында жалпы 6
бейнебақылау камерасы орнатылып, 148 камераның мониторингі жүргізіледі. Олардың 139-ы Степногорск
қаласының әр түрлі аудандарына, 4-і Қарабұлақ ауылына және 5-і Ақсу ауылына орнатылған. Бұл бейнемониторинг жүйесі қала аумағында қоғамдық тәртіпті бақылауды оңайлатып, полиция қызметкерлерінің
әрекет етуін жеделдетеді. Оперативтік басқару орталығының ашылуы – қаланың қауіпсіздігін
нығайтуға, заң бұзушылықтардың алдын алуға және тұрғындардың тыныштығын қамтамасыз етуге
бағытталған маңызды қадам болып табылады. Жаңадан іске қосылған бұл орталық Степногорсктің заманауи
инфрақұрылымы мен технологиялық дамуын айқындайтын нышанға айналды.
Мәдениет
Степногорск қаласында 7 мәдениет мекемесі жұмыс істейді, олардың қатарында 2 клуб пен 20 кітапхана бар.
Мәдениет нысандарында 2548 адамды қамтитын 96 клубтық құрылым жұмыс істейді. Бұл ұжымдардың
тоғызы «халықтық», үшеуі «үлгілі» атағына ие болды. Мәдениет саласының өрісін кеңейту мақсатында түрлі
іс-шаралар ұйымдастырылып келеді. Өткен жылы 4 052 мәдени-бұқаралық шара өткізіліп, оны 1 428 672
көрермен тамашалады. 2024 жылы Степногорск қаласының 60 жылдық мерейтойы кең көлемде аталып өтті. Мерейтой аясында қала тұрғындары мен ел дамуына үлес қосқан азаматтар «Степногорск қаласының Құрметті
азаматы» төсбелгісімен марапатталды. Қала орталығында түрлі мәдени және спорттық шаралар ұйымдастырылып, тұрғындар мен қонақтар үшін эстрада жұлдыздарының қатысуымен концерт өткізілді. Кештің
басты қонақтары Қазақстанның танымал өнер жұлдыздары — Turar, Нұрболат Абдуллин, Маржан Арапбаева және «Орда» тобы болды. Қаланың мәдени инфрақұрылымын дамыту бағытында бірқатар
ауқымды жобалар жүзеге асырылуда. «Ауыл – ел бесігі» мемлекеттік бағдарламасы аясында Қарабұлақ
ауылында жаңа мәдениет үйі салынуда, оны биылғы жылы аяқтау жоспарланған. Сонымен қатар Қырық құдық ауылында кәсіпкерлердің қолдауымен «Сұңқар» мәдени-спорттық кешені ашылды. Бұл кешен ауыл тұрғындарына мәдени шараларды өткізуге, спортпен шұғылдануға мүмкіндік береді. 2024 жылы «Достық және шығармашылық үйінің» ғимаратында ағымдағы жөндеу жұмыстары жүргізілді, ал Изобильный ауылының
клубы мен Бестөбе кентінің «Рауан» мәдениет үйінің шатыры жаңартылды. Ақсу кентінің мәдениет үйінің
жылыту жүйесі де толықтай жөндеуден өтті. 2025 жылы мәдениет инфрақұрылымын дамыту жоспарына
сәйкес, «Горняк» орталық мәдениет сарайының шатырын және терезелерін жөндеу жұмыстары жүргізіледі.
Сонымен қатар осы мәдениет сарайы мен «Достық және шығармашылық үйінің» сәулеттік жарықтандыруы
орнатылатын болды. Бұл шаралар қаланың мәдени өмірін одан әрі жақсартып, тұрғындарға жаңа мүмкіндіктер ұсынады.
