АФИНА (Греция). Қазақстанның жастар құрамасының өкілі Жанажол Қуанышбек Грекия астанасы Афинада өткен U17 әлем чемпионатында алтын медаль жеңіп алды, деп хабарлайды Elordainfo.kz ҚР Ұлттық Олимпиада комитетінің ресми сайтына сілтеме жасап.
Жанажол 45 келі салмақ дәрежесінде өнер көрсетіп, жарыстың барлық белдесуінде қарсыластарынан басым түсті. Финалда ол қырғызстандық Нуркерим Кумарбековты айқын жеңіп, чемпион атанды.
🔹 Осылайша, 16 жастағы спортшы Қазақстанға жастар арасындағы әлем чемпионатынан алтын жүлде әкелді.
Сонымен қатар, жарыстың қорытындысы бойынша тағы бірнеше қазақстандық балуан жүлдеге ілікті:
•Нурдаулет Кумарұлы (48 кг) — күміс жүлде
•Нурали Аскар (55 кг) — күміс жүлде
•Шамиль Досбол (65 кг) — қола жүлде
Бұл жетістіктер жас қазақстандық балуандардың халықаралық аренада сенімді қадам жасап келе жатқанын дәлелдейді.
